Speadjalis jávki áiggi suoivanat

Speadjalis jávki áiggi suoivanat
1.10.2025 - 15.3.2026

Speadjalis jávki áiggi suoivanat -čájáhus gieđahallá fantasiija ja dáládáidaga gaskavuođa. Nu guhká go čájáhus bistá, das leat mielde dáiddaduojit čieža dáiddáris. Čájáhussii oassálastet ođđa dáiddadujiin fárrui bovdejuvvon dáiddárat Mariam Falaileh, Joel Slotte, Eetu Sihvonen ja Timo Vaittinen. Dasa lassin oidnosis leat Vantaa dáiddamusea čoakkáldatdáiddáriid Pentti Kaskipuro, Hanna Nieminen ja Kaija Poijula barggut.

Čájáhusa dáiddáriid ovttastahttá beroštupmi árgabeaivvi ja miellagovahusa gaskasaš rájiide, siskkáldas duohtamáilbmái ja symbolihkkii. Dáiddaduojit jođašit duohtamáilmmi ja fantasiija, árgabeaivvi ja mystihka sihke materiála ja vuoiŋŋalašvuođa gaskkas.

Čájáhus guorahallá máŋggabealagit duohtamáilmmi ja fantasiija gaskasaš rájiid, ja ná dat rahpá geahččanguovlluid olbmo vásáhusaid guovddážii. Dat boktá suokkardallat vásáhusaid vejolašvuođaid ja bovde min guorahallat eallima ja eksisteanssa universála gažaldagaid.

Vantaa dáiddamusea Artsi čájáhus lea láhččojuvvon ovttas govvadáiddár Timo Vaittisiin. Museadoaimmahat lea dorjon čájáhusa veahkkeruđain, mii manná dáiddáriid čájáhusbálkkáide.

Olles čájáhusa áigge oidnosis leat dáiddaduojit dáiddáriin:
Mariam Falaileh, Pentti Kaskipuro, Hanna Nieminen, Kaija Poijula, Eetu Sihvonen, Joel Slotte, Timo Vaittinen

Dáhpáhusas mielde leahkki bargu:
Maiju Tarpila ja Usva Inei plánen Pyyntö-nammasaš bargu ollašuvvá oassin Speadjalis jávki áiggi suoivanat -čájáhusa. Pyyntö nappo Bivdda lea liverollaspeallu, dahjege larppi, man áigge oassálastit bovdejuvvojit eallásit magihkalaš oruhiid rollaide ja ráhkadit ovttas muitalusa dáhpáhusa bagadalli doarjagiin. Speallandáhpáhusat lágiduvvojit bearjadaga 5.12. ja bearjadaga 12.12.2025.