Lutkos láhtten

Vantaa dáiddamusea Artsi čavčča čájáhus ovdanbuktá Suoma performánsadáidaga maŋimuš 20 jagis ja deattuha dan ođđaseamos albmonemiid. Lutkos láhtten -čájáhus lea ollašuhtton ovttasbarggus Dáiddauniversitehta LAPS magisttarprográmmain. LAPS deavdá dán jagi 20 jagi. Artsi lea jagi 2016 rájes spesialiseren dáládáidaga lassin gáhta-, graffiti- ja performánsadáidagii. Lutkos láhtten -čájáhus lea oaidninláhkái Myyrmäkis Artsis 12.11.2021.–23.1.2022.

Performánsa ja mo dat ráhkaduvvo. Evttohusat olbmuid, ealli diŋggaid, materiálaid ja áššiid gaskasaš oktavuohtan.

2000-logus dáiddagiettis lea dáhpáhuvvan doajáhat, mas performánsadáidda lea sirdásan fas ođđa birrasiidda, nugo sosiála mediai. Dárkilis meroštallamiid báhtareaddji ja duojásii ođasmuvvi performánsadáidda lea lávken dáiddamáilmmi rávddain dan guovddážii, institušuvnnaid olggobealde stuorra dáiddamuseaid čájáhuslanjaide. Lutkos láhtten -čájáhus ovdanbuktá sihke boarrásut ja ođđa dáiddadujiid, erenomážit maŋimuš jagiin. Seammás čájáhus jearrá: mii buot performánsa sáhttá leat? Mo dan sáhttá ovdanbuktit museas? Mo gaskaboddosaš dáidda ovdanbuktojuvvo čájáhusas, mii bistá guhkit áigge go ieš dáiddaduodji?

Performánsa mearkkaša eahpedárkilis lihkastagaid. Performánsa ii oza čovdosiid, fal lea vuohki dahkat; dat lea jurddašanvuohki, vuostálastima stellelmas dahje ruossalasvuođaid gaskasaš gažaldat.

Performánsadáidda ii leat doaibma, mas diđolaččat ohcat dahje rasttildit heivvolašvuođa rájiid, fal buorebutge jearaldat lea das, mo duot rasttildeapmi dahje rievdadus dahkkojuvvo. Danin das lea fápmu rievdadit birastahtti máilmmi ja boahtteáiggi. 

Lutkos láhtten -čájáhusa leat kurateren Dáiddauniversitehta LAPS magisttarprográmma professor Tero Nauha ja Vantaa dáiddamusea Artsi čájáhusamanueansa Christine Langinauer.

Čájáhusa dáiddárat leat Antti Ahonen, Tea Andreoletti, Freja Bäckman, Yun-Chen Chang, Anna Cadia, Dasha Che, Jessica Guez, Harold Hejazi, Fjolla Hoxha, Amanda Hunt, Tina Jeranko, Minerva Juolahti, Essi Kausalainen, Leena Kela, Kemê, Katriina Kettunen, Petros Konnaris, Karolina Kucia, Maija Linturi, James Lórien MacDonald, Stefanía Ólafsdóttir, H Ouramo, Pilvi Porkola, Vishnu Vardhani Rajan, Ladapha Sophonkunkit, Olga Spyropoulou, Onur Tayranoğlu ja Timo Viialainen.

Čájáhusa bissovaš ovdanbuktima lassin performánsadáhpáhusat lágiduvvojit 12.11., 25.11., 4.12., 22.1. ja 23.1.